TJA, DBP û DEM partiyê li gundê Bernişt û Tizyanê yên Artûkluya Mêrdînê civînên gel pêk anîn. Di civînan de beşdarên civînê diyar kirin ku ew ji Serokê xwe bawer in.
Di pêşengiya TJA, DBP, DEM Partiyê û rêxistinên civakî de li gelek bajarên Kurdistanê civînên gel tên lidarxistin. Civîn bi navê “Civînên Aştî û Civaka Demokratîk” pêk tên. Di çarçoveya van civîann de li gundên Bernişt û Tizyan ên girêdayî Navçeya Artuklu ya Mêrdînê jî civîn pêk hatin. Gel eleqeyek mezin nîşanî civînan da. Di civînan de zêdebûna jin, ciwan, dayik, zarok, kal û pîran bal kişand ser xwe. Dîwanê di civînê de pêvajoya dawî bi beşdaran re parve kir. Dîwanê bal kişand ser perspektifa Rêberê Gelê Kurd Abdullah Ocalan û peywirên dikeve li ser milê gel, jin û ciwanan.
Di civînê de beşdaran jî nirxandin kir û diyar kirin ku baweriya wan bi Rêberê wan heye. Beşdaran anîn ziman ku Rêberê Gelê Kurd çi bêje ew e û gotin: “Em li pey gotina serokê xwe nin û em ji wî bawerin. Heya dawiyê em bi serokê xwe re ne. Çi bikeve li ser milê me em amade ne.” Civîn bi durûşmeyan bi dawî bû.
