Gelê Bakurê Kurdistanê li dijî êrişên çeteyên HTŞê, SMO û Tirkiyeyê li navçeya Pirsûsê xwestin derbasî Kobanê bibin. Polîsan astengî ji gel re derxist û li ser vê yekê gel bi kevir fîşekên hewayî bertek nîşanî astengiyan dan. Berxwedana gel a ji bo derbasbûna Kobanê li kolanên Pirsûsê didome.
Li ser banga Platforma Saziyên Demomratîk li dijî êrişên çeteyên HTŞê, SMO û Tirkiyeyê yên ser herêmên Rêveberiya Xweser a Rojavayê, li Pirsûsa Rihayê çalakiya meşê hat lidarxistin. Hevseroka Giştî ya DBPê Çiğdem Kiliçgun Uçar, Hevserokê DEM Partiyê Tuncer Bakirhan, Hevberdevkê HDKê Alî Kenanoglu, Parlementera EMEPê Sevda Karaca, Serokê Giştî yê EHPê Hakan Ozturk, Hevserokê Giştî yê ESPê Murat Çepnî, Hevserokê SYKPê Mertcan Tîtîz, Berdevka SODAPê Kezban Konûkçû, Berdevka TOPê Jûlîana Gozen, nûnerên, Yeşîl Sol Partî, Partiya Şoreşger û Federasyona Meclisên Sosyalîst (SMF) û bi hezaran welatî tevlî çalakiyê bûn.
Berxwedan bi keviran didome
Bi hezaran kes li Qada Pirsûsê ber bi sînorê Kobanê ve dest bi meşe kirin. Girse pankarta “Xwedî derketina Rojava xwedî derketina mirovahiyê ye” vekir, wêneyê Rêberê Gelê Kurd Abdullah Ocalan û dovîzên piştgiriya berxwedana Rojava rakirin. Girsê tevî barîna berfê û sermayê bi dirûşmên “,Bijî berxwedana Rojava”, “Bijî Serok Apo”, “Rojava Rojhilatê Kurdistan yek welat e”, “Rojava dê DAIŞê re bibe goristan”, “PKK gel e gel li vir e” û “Her der Rojava her der berxwedan” meş li dar xist. Lê girsê dema xwest derbasî ser sînor bibe polîsan welatî asteng kir û bi xaza îsotê êrişî girseyê kir. Girsê li ser vê yekê tevî hewayê sar û barîna berfê bi berzkirina dirûşma, “Kurdistan dê faşizme re bibe goristan” bi kevir û fîşekan hewayî li ber xwe dide.
Girseya belavî kolanên Pirsûsê bûn li kolanan çalakiya xwe didomînin. Girsê ji bo derbasî sînorê Kobanê bibe li hemû kolanên Pirsûsê bi berzkirina dirûşmeyan çalakiya xwe didomînin.
