Çetîn Arkaşê ku piştî 33 salan di girtîgehê de ma û derket, hat Amedê. Heval û hagirên Çetîn Arkaş bi sloganên “Bijî Berxwedana Zindanan” û kulîlkan ew pêşwazî kir.
Çetîn Arkaş di sala 1992an de hat girtin û cezaya muebbetê lê hat birîn. Piştî cezayê Çetîn Arkaş qediya, Lijneya Çavdêriyê ya Girtîgehê 8 caran cezayê wî bi hinceta “rewşa nebaş” taloq kir. Herî dawî Çetîn Arkaş ji girtîgehê derket û hat Amedê. Çetîn Arkaş, piştî 33 salan di girtîgehê de ma di 2yê Tîrmehê de li girtîgeha Marmara (Sîlîvrî) serbest hate berdan û hat Amedê. Çetîn Arkaş li Amedê bi girseyî hat pêşwazîkirin. Di bernameya pêşwazîkirinê de endam û rêveberên DBP, DEM Partî, TJA, Dayîkên aştiyê, saziyên civakî û gelek welatî amade bûn.
Dayîkên aştiyê bi kulîlkan Çetîn Arkaş pêşwazî kir. Girseyê di pêşwazîkirinê de dirûşmeyên “Bijî Berxwedana Zindanan û Berxwedan Jiyan e” berz kirin. Piştî pêşwazîkirinê Çetîn Arkaş bi konvoyek dirêj birin mala birayên wî ya kolana 75an.
