Hunermendê Kurd Emînê Erbanî yê ku li Qoserê dijiya, jiyana xwe ji dest da.
Hunermend Emînê Erbanî (Mehmet Emîn Erden) ku li navçeya Qoser a Mêrdînê dijiya, jiyana xwe ji dest da. Erbanî ku di salên 90î de bi albumên xwe yên “Gundê Erban” û “Gundê Me” bi nav û deng bû, di muzîka Kurdî de bi rengî û dengê xwe xwedî cihekî taybet bû. Erbanî ku nêzî 3 sal bûn nexweşîneke giran lê peyda bûbû, li nexweşxaneyeke taybet jiyana xwe ji dest da.
Erbanî ku di sala 1966an de li gundê Erban ê Qoserê hat dinê, bi navê gundê xwe Erban bi nav û deng bûbû.
