Hevserokê Giştî yê DEM Partiyê Tuncer Bakirhan bi Serokê Giştî yê Partiya Gelecekê Ahmet Davutoglû re li Navenda Giştî ya Partiya Gelecekê hevdîtin kir.
Hevserokê Giştî yê Partiya Wekhevî û Demokrasiyê ya Gelan (DEM Partî) Tuncer Bakirhan, Serokwekîlên Koma DEM Partiyê Gulistan Kiliç Koçyîgît û Sezaî Temellî jî di şandeya DEM Pariyê serdana Partiya Gelecekê kir. Şande, li Navenda Giştî ya Partiya Gelecekê ji hêla Davutoglû, Serokwekîlê Giştî Ayhan Sefer Ustun û wekîl Kanî Torun û Mûstafa Bîlîcî ve hate pêşwazîkirin.
Di civîna ku ji çapemeniyê re girtî hat lidarxistin de li ser rojevên herêmî û Tirkiyeyê danûstandin hatin kirin. Di serdanê de pêvajoya demokratîkbûna Tirkiyeyê, hevdîtina dawî ya Şanda Îmraliyê ya DEM Partiyê bi Rêber Geleê Kurd Abdulla Ocalan re û biryarên kongreya PKK’ê yên di 12ê Gulanê de hatibûn ragihandin, hatin nîqaşkirin.
Şandeya DEM Partî 27ê gulanê wê biçe serdana MHPê. Hat zanîn ku dê serokê Giştî yê MHPê Devlet Bahçelî jî di hevdîtinê de amade be. Her wiha dê hefteya bi AKPê re jî hevdîtinê bikin.
