Heyetek leşkerî ya Hêzên Sûriya Demokratîk û Hevpeyemana Navnetweyî çû serdana Dêr Hefirê ku ev hefteyeke di bin êrişên çeteyên HTŞ û SMOyê de ye.
Di demek êrişên çeteyên HTŞ û SMOyê li ser Dêr Hefir, Mesken û Bendava Tişrînê didomin de heyetek ji rayedarên HSD û Hevpeymana Navneteweyî pêk dihat çû Dêr Hafirê. Lijne bi konvoyek leşkerî derbasî Reqayê bû û piştre di ser Tebqayê re gihişt Dêr Hefirê. Lijne li vir ji hêla yekîneyên li eniya Dêr Hefirê yên HSDê ve hate pêşwazîkirin.
Lijneyê derbarê êrişan de agahî girt
Lijneyê ji fermandarên HSDê yên li eniya şer agahiyên derbarê êrişan de girtin û li ser rewşa heyî danûstandin kirin. Ligel konvoya bejahî balefirên keşfê û teyare jî bi armanca girtina ewlehiyê li esmanê Dêr Hefirê geriyan.
