DYA, Îsraîl û hikûmeta demkî ya Sûriyeyê ragihand ku di civîna li Parîsê de li ser mekanîzmayeke hevkariya hevbeş a pevguhertina agahiyan, kêmkirina rageşiyê û piştgiriya aramiyê li hev kirin.
Dewletên Yekbûyî yên Amerîkayê (DYA), Îsraîl û hikûmeta demkî ya Sûriyeyê daxuyaniyeke hevbeş da. Di daxuyaniyê de rayedarên Îsraîlî û yên hikûmeta demkî bi navbeynkariya Amerîkayê li Parîsê civînek li dar xist.
Di daxuyaniyê de hat diyarkirin ku li ser mijarên rêzgirtina serweriya Sûriyeyê û aramiya wê, misogeriya ewlehiya Îsraîlê, piştgiriya geşkirina her du welatan hatiye nîqaşkirin.
Di daxuyaniyê de hate diyarkirin ku her 2 aliyan li ser hewldana ber bi tedbîrên ewlehî û aramiya mayînde, avakirina mekanîzmayeke hevbeş bi çavdêriya DYAyê li hev kir, da ku pevguhertina agahiyên îstîxbaratî, kêmkirina rageşiya leşkerî û tevlêbûna dîplomasî hêsan bibe.
Di dawiya daxuyaniyê de hat destnîşankirin ku ev mekanîzma wê bibe platforma çareserkirina nakokiyên bi awayekî lezgîn û xebitîna li ser qedexeya netêgihîştinê.
