Înîsiyatîfa Jinan a Pêwîstiya Min bi Aştiyê Heye li Îzmîrê hat damezrandin.
Jinên ku li Îskeleya Alsancak a Îzmîrê kom bûn, damezirandina Înîsiyatîfa Jinan a Pêwîstiya Min bi Aştiyê Heye îlan kir. Forûma Aştiyê ya Îzmîrê û Înîsiyatîfa Jinan a Pêwistiya Min bi Aştiyê Heye bi minasebeta 1ê Îlonê daxuyaniyek da û pankarta “Aştî maf e, şer sûc e” vekirin. Parlamentera Partiya Wekhevî û Demokrasiyê ya Gelan (DEM Partî) ya Îzmîrê Burcugul Çubuk, Dayikên Aştiyê û gelek nûnerên saziyên jinan beşdarî daxuyaniyê bûn. Li ser navê jinan endama Forûma Aştiyê ya Îzmîrê Îpek Sarıca daxuyanî da.
Di daxuyaniyê de bal kişandin ser rol û mîsyona jinan û gotin: “Bêtir jin ji pêvçûnan, ji tundiyê, xizaniyê û newekheviyê bi bandor dibe. Aştî ne tenê li ser bêdenkirina çekan e; Bi tecrûbeya edalet, wekhevî û azadiyê pêkan e. Bêyî şert û mercên jiyana bi hev re aştiyeke rasteqîn nayê avakirin. Em daxwaza bi dawîkirina polîtîkayên şer dikin. Em dixwazin operasyonên dersînor bên bidawîkirin. Budçeya ku ji şer re tê dayîn bila bidin qada tenduristî, perwerdê û wekheviyê. Divê zextên li hemberî azadiya raman, rêxistinbûn û çalakiyên aştiyanê bê bidawîkirin. Têkoşîna jinan a ji bo aştiyê divê bê nasîn. Divê tevlîbûna jinan a di mekanîzmayên bîryardayînê de bên mîsogerkirin.”
Dayika Aştiyê Behiye Yalçin jî axivî û bal kişand têkoşîna hevpar.
Parlamenter Burcugul Çubuk jî behsa polîtîkayên şer û polîtîkayên bêcezahiştinê kir.
Piştî axaftin û daxuyaniyê Înîsiyatîfa Jinan a Pêwîstiya Min bi Aştiyê ya Îzmîrê damezrandina xwe îlan kir.
Dûre Koma Muzîkê ya Jinan Suzîka stranên xwe bi girseyê re parvekir.
