Meclisa ÎSÎGê daxuyand ku di meha nîsanê de 8 jê zarok, 4 jê jin û 7 jî penaber bi tevahî 152 karker jiyana xwe ji dest dan.
Meclisa Tenduristî û Ewlekariya Kar (ÎSÎG), rapora cînayetên kar a Nîsana 2025an bi raya girştî re parve kir. Li gorî rapora Meclisa ÎSÎG’ê di çar mehên ewil ên sala 2025an de herî kêm 611 karkeran jiyana xwe ji dest dane. ÎSÎGê ragihand ku di meha nîsanê de 8 jê zarok, 4 jê jin û 7 jî penaber bi tevahî 152 karker jiyana xwe ji dest dan.
ÎSÎGê da zanîn ku herî zêde mirin di sektorên înşaet, çandinî, veguheztin û metalê de pêk hatine. Di raporê de hat diyarkirin ku bi taybetî karkerên neqeydkirî, karkerên daristanan û ajokarên rêyên dirêj di bin xetereyê de ne.
ÎSÎGê da xuyakirin ku di nava 12 salên dawî de herî kêm 764 karkerên zarok jiyana xwe ji dest dane. ÎSÎGê banga tedbîrên lezgîn kir.
