Artêşa Îsraîlê li gundewarên Quneytrayê bendên kontrolê yên demkî danîn û çûn û hatina erebeyan asteng kir.
Hêzên leşkerî yên Îsraîlê li başûrê herêma Quneytrayê ya li ser Girên Golanê ya Sûriyeyê bendên demkî yên kontrolê li ser rêyên bajarokê El Maleqa û Xedîr El Bustan danîn û tevgera erebeyan bi temamî sekinand. Li gorî Navenda Çavdêriya Mafên Mirovan a Sûriyeyê (SOHR) hêzên leşkerî li derdora belav bûn û keşf kirin.
Her wiha SOHRê duh agahî li ser malpera xwe belav kiribû ku hêzên Îsraîlê li bajarê Cabata El Xeşeb ê dikeve bakurê Quneytrayê 3 ciwan girtine.
SOHRê da zanîn ku tevî ku hêzên Îsraîlê li başûrê Sûriyeyê xendekan dikole û nuqteyên çavdêrîkirinê çêdike, Hikûmeta Demkî ya Sûriyeyê heya niha tu bertek nîşanî vê yekê nedane.
