Nivîskarê rojnameya Yedioth Ahrojnothê Itamar Eichner destnîşan kir ku koordînasyona navbera DYA û Îsraîlê di asta herî jor de ye û da zanîn ku êrişa li dijî Îranê hêj jî di rojevê de ye.
Nûçegihanê rojnameya Yedioth Ahronothê Itamar Eichner têkildarî mudaxileya Îranê ya Devletên Yekbûyî yên Amerîkayê (DYA) hin nirxandin kirin. Etamar Eichner da zanîn ku di mijara êrişa li dijî Îranê de koordinasyona Îsraîlê û DYAyê berdewam dike û got ku mudaxileya li dijî Îranê hêj jî di rojevê de ye. Itamar Eichner têkildarî amadehiyên vê yekê de jî bi bîr xist ku Îsraîl zû an jî dereng alîgirê mudaxileya li dijî Îranê ye. Herwiha hat ragihandin ku DYAê belefirên kargoyê sewqî girava Diego Garcia kiriye û hem ji bo parastinê hem jî ji bo şer keştiyên şer sewî herêmê kirine.
Netanyahû civînên krîtîk li dar dixe
Itamar Eichner diyar kir ku Serokwezîrê Îsraîlê Benyamîn Netanyahû têkildarî Îran û Xezayê civîneke tengkirî û berfireh li dar xistiye û anî ziman ku Serfermandar Eyal Zmaîr, Serokê Mossadê David Barnea û Serokê Şîn Betê David Zînî tev li vê civînê bûne.
Gelo gef jî bo tirsandinê ye?
Itamar Eichner di berdewama nivîsa xwe de bi bîr xist ku beriya niha jî Donald Trump derbarê Ayetullah Alî Hameney de biryara sûîqestê dabû lê ji ber geşedanan vê biryarê betal kiribû. Lê belê Ser sefîrê DYAyê yê berê Dan Shapiro analîzek parve kir û îdia kir ku di nava hefteyê de Donald Trump dibe ku biryara fermana sûîqesta Ayetullah Alî Hamaney bide.
Serokkomarê Îranê Mesûd Pizîşkiyan bersiva van gefan da û wiha got ku êrişeke li dijî Hamaney dê wekî şereke gîştî yê li dijî Îranê were hesibandin û derbarê vê êrişê de jî nirxandina “Dê bersiveke giran û poşman dike were dayîn” kir.
Hevkariya Îsraîl û DYAyê
Di berdewama nirxandina xwe de Itamar Eichner serdana Îsraîlê ya Senatorê Komarparêz yê DYAyê Lindsey Graham bi bîr xist. Itamar Eichner di nivîsa xwe de cih da axaftina Lindsey Graham. Li gorî nivîsê Lindsey Graham îdi kir ku Îsrîlê çekekî ku çarenûsa şer biguherîne bi pêş xistiye û têkildarî rejîma Îranê de Graham ev tişt anîye ziman: “Îranaxwedî çeka nukleerê, dê ji bikaranîna vê çekê xwe paş ve nekişîne. Ew Naziyên olî ne. Em ji bo vê rejîmê felc bikin bi salan e bi Îsraîlê re dixebitin.”
