Rojnameger û nivîskar Huseyîn Aykol ku li beşa çavdêriya awarte tê tedawîkirin rewşa wî ya xeternek didome. Bijîşkan îro ji bo ku Aykol dikaribe bêhnê bide û bistîne bi operasyonekê xortimê bi gewriya wî ve girê dan.
Mamosteyê Çapemeniya Azad rojnameger û nivîskar Huseyîn Aykol ku di 14ê Cotmehê de li mala xwe ya li Enqereyê, xwîn çûbû ser mêjiyê wî rakiribûn Nexweşxaneya Perwerde û Lêkolînê ya Sîncanê. Li nexweşxaneyê jî careke din xwîn çû ser mêjiyê wî û niha li beşa çavdêriya awarte tê dermankirin û her wiha rewşa wî ya xeternak didome. Bijîşkan îro ji bo ku Aykol dikaribe bêhnê bide û bistîne bi operasyonekê xortim bi gewriya wî ve girê dan. Her wiha bijîşkan diyar kir ku enfeksiyona zêde ya Huseyîn Aykol didome û tevî ku antibiyotîkan jî didinê kêm nabe. Xetereya li ser jiyana Huseyîn Aykol berdewam dike.
