Partiya Sûriyeya Pêşerojê, ji bo bîranîna Sekretera xwe Hevrîn Xelef, di 6emîn salvegera kuştina wê de li Reqayê “Festîvala Aştiyê ya Hevrîn” li dar xist.
Partiya Sûriyeya Pêşerojê, bi biboneya salvegera 6mîn a şehadeta Sekretera Giştî Hevrîn Xelef, li Hola El Erd El Seîda li Reqayê “Festîvala Aştiyê ya Hevrîn” li dar xist. Nûnerên Rêveberiya Xweser, meclisên leşkerî, siyasî û sivîl, û endamên rêxistinên jinan û ciwanan beşdar bûn.
Piştî deqeyek rêzgirtinê, sînevizyona der barê jiyan û têkoşîna şehîd Hevrîn Xelef hat pêşandan. Piştre, hevseroka Partiya Sûriyeya Pêşerojê, Kewser Doko, axivî û got: “Hevrîn ne tenê siyasetmedarek an endezyarek sivîl bû, lê endezyarek azadî û aştiyê bû, endezyara Sûriyeya ku em hemî xeyal dikin bû.”
Di festîvala de dayika şehîd Hevrîn Xelef Sûdad Mistefa, hevseroka Meclisa Sûriyeya Demokratîk Leyla Qereman Endama Fermandiyariya Giştî ya Yekîneyên Parastina Jin (YPJ) Rohilat Efrîn, nûnerên saziyên Rêveberiya Xweser, axivîn.
