Bi pêşengiya DAKAPê ji bo piştevaniya bi jinên girtî re daxuyanî hat dayîn û qertên piştevaniyê hatin şandin.
Bi pêşengiya Platforma Jinan a Dîcle Firatê (DAKAP)ê ji bo piştevaniya bi jinên girtî re li ber Postexaneya Sûrê daxûyanî da û ji jinên girtî re qert şand. Di daxuyaniyê de pankarta “bi civaka demokratik ber bi jiyana azad a bê tundî ve” hat vekirin û piştî daxuyaniyê jin bi dirûşmeyên “Jin Jiyan Azadî”, “Bijî Berxwedana Zindan” ji bircan heta Postexaneyê meşiyan. Rêveberên partiyên siyasî, nûnerên saziyên sivîl û komeleyên jinan tev li bernameyê bûn.
Hevseroka Sendîkaya Kedkarên Buroyê Guneş Ozel metna daxuyaniyê ya bi Tirkî xwend û wiha got: “Em ê li hember van êrîşên li ser maf û jîyana jinan bi felsefeya Jin Jîyan Azadî ku sînoran nas nake, têbikoşin. Em ê bi hevgirtina jinan ya enternasyonal jîyaneke azadîxwaz, wekhevîxwaz û demokratîk ava bikin.”
Piştî daxuyaniyê jin, bi dirûşmeyên “Jin Jiyan Azadî”, “Bijî Berxwedana Zindan” ji bircan heta Postexaneyê meşiyan û ji jinên girtî re qert şand in.
