Parlamenterê Îngilistanê Tom Tungendhat diyar kir ku balefirên Rûsyayê hatine Tehranê û rejîma Îranê amadekariya revê dike.
Parlamenter û Wezîrê Ewlehiyê yê Îngilistanê yê berê Tom Tungendhat li Parlamentoya Îngilistanê ji Wezareta Karên Derve xwest ku derbarê amadekariyên revê yên rejîma Îranê de agahiyan eşkere bike. Tungendhat serhildanên li Îranê bi bîr xist û anî ziman ku agahiya wî pê heye balefirên Îranê daketine Tehranê.
‘Çavkaniyên Îranê tên veguhastin’
Tom Tungendhat anî ziman ku du bijartek li pêşiya rejîma Îranê ne û wiha got: “Hem amadekariya şer hem jî ya revê dikin. Agahî tên ku çavkaniyên Îranê ber bi hin deveran ve tên veguhastin. Bi taybetî ber bi Kendava Besrayê ve tên şandin. Ev plana rejîma Îranê ya piştî têkçûnê ye. Her wiha balefirên Rûsyayê jî dadikevin Tehranê. Di vî warî de civakê agahdar bikin.”
