Sekreterê Giştî yê Neteweyên Yekbûyî Guterres ji ber metirsiya veguhertina şerekî berfireh li Rojhilata Navîn hişyarî da û xwest ku şerê di navbera Amerîka-Îsraîlê û Îranê de demildest bê rawestandin.
Sekreterê Giştî yê Neteweyên Yekbûyî (NY) Antonio Guterres îro hişyariyek girîng a der barê pêşketinên bûyerên li Rojhilata Navîn de da û destnîşan kir ku herêm li “ber şerekî berfirehtir” e. Gunterres anî ziman ku dibe bandorên xeternak ên vî şerî li ser cîhanê çêbin.
‘Divê şer bê kontrolkirin’
Sekreterê Giştî daxwaz kir ku hem êrişên ji aliyê Dewletên Yekbûyî yên Amerîkayê (DYA) û Îsraîlê yên li dijî Îranê tên kirin û hem jî êrişên Îranê yên li dijî dewletên li herêmê bi dualî bên rawestandin. Sekreter anî ziman ku pêwist e berî şer ji kontrolê derkeve ev alozî were kontrolkirin.
Guterres li Navenda NYyê li New Yorkê ji rojnamevanan re got: “Em bifikarin ku şer berfirehtir bibe û Rojhilata Navîn bigire nav xwe, her wiha bandorên cidî yên xeter li cîhanê bike.”
