Enqere – Însiyatîfa Jinan a Pêwistiya Min Bi Aştiyê Heye piştî civîna komîsyonê li ber meclîse daxuyani da. Di daxuyaniyê de Ruşen Seydaogluyê anî ziman ku jin nebin kirde pêvajo bi sernakeve û got: “Divê TJA û saziyên femînîst jî bihatana guhdarkirin.”
Însiyatîfa Jinan a Pêwistiya Min Bi Aitiyê Heye di rûniştina 2yan a Komîsyona Xwîşk û Biratî Demokrasî û Hevgirtina Mîllî de hat guhdarkirin. Însiyatîfê rapora ku daxwazên wan tê de bû pêşkeşî komîsyonê kir. Piştî civînê endamên însiyatîfê li ber meclisê daxuyanî da.
Rûşen Seydaoglu di daxuyaniyê de axivî û tekildarî civîna komîsyonê ev tişt anîn ziman: “Em beşdarî civîna 15emîn bûn. Me daxwazên xwe yên ku bigiştî pêdiviyên jinan di nav de dihewîne anîn ziman. Me daxwaza rakirina qanûna terorê, bidawîkirina pêvçûnan anîn ziman. Her wiha bandora pergala qeyûman vegot û xwest hevşeredar vegerin ser karê xwe. Me xwest hemû alî bi Abdullah Ocalan re hevdîtinê bikin. Me ew daxwazên xwe bi raporeke berfireh pêşkeşî komîsyonê kirin. Em ê wê raporê bi çapemeniyê re jî parvebikin. Helbet guhdarkirina jinan girîng bû lê hewce dikir ku Tevgera Jinên Aza (TJA) û Tevgerên Femînîst jî bên guhdarkirin. Heta jin nebin kirdeya pêvajoyê, pêvajo bi serkeftî encam nabe. Me ew daxwaz yek bi yek pêşkeşî komîsyonê kirin.”
