Jînart Huner ragihand ku ew piştgiriyê didin banga “Aştî û Civaka Demokratîk” a Rêberê Gelê Kurd Abdullah Ocalan û diyar kir ku divê hemû hunermend û rewşenbîr piştgiriyê bidin vê bangê.
Jînart Huner a ku li Îzmîrê kar û xebatên çand û hunerê bi rê ve dibe, bi civînek çapemeniyê piştgiriya xwe ya ji bo banga “Aştî û Civaka Demokratîk” Rêberê Gelê Kurd Abdullah Ocalan ragihand. Hunermend û rêveberên saziyan beşdarî civîna çapemeniyê ya li avahiya Jînart Huner bûn. Daxuyaniya çapemeniyê ya bi Kurdî ji aliyê Rojkar Saginç û ya bi Tirkî ji aliyê Fatima Îraz ve hat xwendin.
‘Bangê ji gelan re deriyê jiyanê vekir’
Rojkar Saginç diyar kir ku ew spasiya Rêberê Gelê Kurd Abdullah Ocalan dikin ku careke din hêviya aştiyê da gelan û hemû kesên ku keda wan di vê pêvajoyê de heye û wiha got: “Em dixwazin diyar bikin ku em li pişt banga sedsalê ya ku rê li ber siyaseta demokratîk, hiqûq û edaletê vedike û dawî li pêvajoya pevçûnên 40 salî vedike, dikin. Weke kedkarên çand û hunerê em hevrêyên xwe yên bi salan ji bo zindî hiştina çand û hunera Kurdî jiyana xwe ji dest dane bi rêzdarî û minetdarî bi bîr tînin. Îro hewldan. Em careke din bi bîr tînin ku hunermendên ku dengê civakê ne, erk û mîsyona ronîkirina civakê ne. Di vê çarçoveyê de em bang li hemû hunermend û rewşenbîrên ku divê di avakirina civakeke demokratîk û aştiyê de cih bigirin, dikin ku piştgiriyê bidin vê bangê.”
