Ji bo fermandar û yek ji pêşengê Şoreşa Rojava Nûreddîn Sofî li Qamişloyê konê sersaxiyê hate vedan.
Navenda Ragihandin û Çapemeniyê ya Hêzên Parastina Gel (HPG) îro (11ê Tebax 2025) şehadeta Fermandar Nûreddîn Sofî û gerîlayê HPGê Bahtiyar Gabar (Abdulbakî Babûr) ku di 6ê Nîsana 2021an de li herêma Garê jiyana xwe ji dest dabûn, ragihand. Her wiha HPGê ragihandibû ku fermandarê wan Koçero Ûrfa jî di 4ê Mijdara 2019an de li Herêmên Parastinê yên Medyayê jiyana xwe ji dest daye.
Piştî ragihandina nasnameya Nureddîn Sofî, malbata Sofî li Qamişlo konê sersaxiyê veda. Kon li pêşiya mala birayê Nûreddîn Sofî ya li taxa Xerbî ya bajarê Qamişlo hate danîn.
Xelkê herêmê, rewşenbîr, bawermend, oldar û rûsipiyan serdana konê sersaxiyê dikin û sersaxî ji malbatê re dixwazin.
