Hepisxaneyê Evînî de, bi manayê ke bi eşkerayîyanê xo dardekerdişî protesto kerdê, 10 girewteyanê cinîyan rê cezaya qedexeyê telefonî û pêvînayîşî ameye dayene.
Îran de teda û zordarîya vera girewteyan dewam kena. Hepisxaneyê Evînî yê ke Tehran de yo, 10 girewteyanê cinîyan rê bi manayê ke bi eşkerayîyanê xo dardekerdişî protesto kerdê, cezaya qedexeyê telefonî û pêvînayîşî ameye dayene. Grûbê Çalakîya Pîya (GAM) derheqê babete de eşkerayîyêk daye û veng da ke wa teda û zordarîya serê girewteyan bêra qedênayene. GAM’î dewamê eşkerayîya xo de nê çîyî vatî: “No sînordarkerdiş rîyê encamê tewrê vera cezayanê dardekerdişî tay kesan, atmosferê protestoyî yê mîyanê qawişî û têkilîya medya û roportajan kerdiş. Bi nê qerarî, têkilîya biserûber ya nê girewteyan keye û avûkatanê înan reyde bi hawayêko fîlî ameye astengkerdiş, tecrîd û tedaya înan a psîkolojîk hîna zêde bîye pîl.”
Werîşe Muradî zî ceza gîrewt
Werîşe Muradî zî cinîyanê ke ceza gîrewta, mîyanê înan de ya. Eşkerayî de ame dîyarkerdene ke derheqê wextê nê qedexeyî de tarîxêko zelal nêameyo dayene û nameyê nê 10 girewteyanê cinîyan zî ameyî parekerdiş. Nameyê cinîyanê ke ceza gîrewta wina yê: Elaheh Foladi, Forough Taghipour, Sakineh Parvaneh, Shiva Esmaili, Zahra Safaei, Golrokh Iraei, Marzieh Farsi, Werîşe Muradî, Nasim Simiari û Lindsay Forman.
