Ame eşkerakerdene Hepisxaneyê Evînî de 8 cinîyê sîyasîyî ke mîyanê înan de Werişe Muradî zî est a, bi manayê tewrbîyayîşê protesto û xebatanê hemparan bîyê, heqê pêvînayîşê keye û avukatan ra mehrum ameyî veradayene.
Hesabê medyaya dîjîtale yê Golrokh Iraee de ewro ame parekerdene ke heqê pêvînayîşê 8 cinîyanê sîyasîyan ê ke Hepisxaneyê Evînî de yê, ameyo astengkerdene.
Goreyê parekerdişî, Werîşe Muradî, Shîva Esmaîlî, Golrokh Iraee, Sakîneh Parvaneh, Forough Taghîpour, Zahra Safaeî, Marzîeh Farsî û Elaheh Fooladî dima zêdebîyayîşê tedayanê ewlekarî yê qawişê cinîyan de, qedexeyê pêvînayîşî reyde rî bi rî mendê.
Parekerdişî de ame dîyarkerdiş ke bi taybetî vera girewteyanê ke beşdarê xebatanê heparan û programanê protestoyî bîyî, tedayî hîna zêde bîyî.
Parekerdişî de sewbîna ame vatene ke cinîyê sîyasîyî yê ke newe ameyî hepisxane zî, bi manayê beşdarîya nê çalakîyan, hetê gardîyan û hêzanê ewlekarî ameyî tehdîtkerdene.
