112 wayîranê Xelata Nobelî derheqê rewşa weşîya Nêrgiz Mihemedî de fikarê xo îfade kerdê û seba azadîya aye veng da.
112 wayîranê Xelata Nobelî eşkerayîyêka hempare reyde derheqê tehlukeyê cuya girewteya sîyasî Nêrgiz Mihemedî ser o vera Îranî hişyarî da.
Eşkerayîye wina ya:
‘‘Ma veng danê berpirsîyaranê hukmatê Îranî û komelê mîyanneteweyî ke bê ke erey bimanê, seba azadîya Nêrgiz Mihemedî û tedarikkerdişê heqê aye yê weşîye gaman bierzê. Cuya Nêrgiz Mihemedî mîyanê tehlukeyêkê pîlî de ya; çike çend aşmî yo vernîya heqê aye resayîşê weşîye ameyo girewtene ke nêeşka biresa doktoranê taybetan. Nêbeno ke tu kes seba ewnîyayîş û nêrazîbîyayîşêkê aştîyane yan zî pawitişê heqanê merdiman bêro girewtiş; tu zîndan nêeşkeno xebata seba rûmet û edaletî bêveng bikero.’’
Mîyanê eşekrayîya hempare de 11 wayîrê Xelata Nobelî ya Aştî, 29 wayîrê Xelata Nobelî ya Fîzîkî, 29 wayîrê Xelata Nobelî ya Doktorî, 26 wayîrê Xelata Nobelî ya Kîmya, 12 wayîrê Xelata Nobelî ya Ekonomî û 5 wayîrê Xelata Nobelî ya Edebîyatî est ê.
