Şaristanê Siwêdayê ke zafaneyê welatijê ey durzî yê, şerê mabênê qebîleyanê bedewî û şervananê herême de, 37 kesî ameyê kiştene.
Goreyê çimeyanê herême şero ke Siwêdayî de ame kerdene, uca de 37 kesî merdê. Ame dîyarkerdene ke înan ra 27 kesî durzî, 20ê ci zî bedewî yê. Eşkerayî de ame dîyarkerdene ke nêzdîyê 50 kesî birîndar bîyê, nînan ra 2 hebî gede yî. Hukmato demkî yê Sûrîye eşkera kerd ke seba çareserkerdişê nakokî, vindarnayîşê şerî, teqekerdişê ewlekarîye, taqîbkerdişê berpirsîyaranê nê hedîseyan û teslîmkerdişê meqamanê edaletî yê wezîfedaran, Wezaretê Karanê Zereyî û Wezaretê Pawitişî bi koordîneyî yewîyê polîsî erşawitî herême û îşxal kerdo.
