Rojnamegeran Mehmet Şahîn û Hakki Boltan muhîmîya Ajansê Welatî ser o qise kerdê û vatê ke: “Hewceyêko ma pêro wayîrê ajansî bivejîme, vila bikerîme û hewldayişêko bi xêro seba heme kurdan rê.”
Bernameya Stêrk TV’î ya Dîwanî ya ke pêşkêşvanîya ci Rojnameger Mehmet Şahîn virazenî ra no hewte Rojnameger û Temsîlkarê DÎSK’î yê Basin ÎŞ’î yê Amedî Hakki Boltan beşdar bî. Bername de şîrovekerdişê pêvajo û rojevê bînî ra pey Mehmet Şahîn û Hakki Boltan awankerdiş û muhîmîya Ajansê Welatî ser qise kerd.
Hewceyêko ma wayîr bivejîme
Rojnameger Hakki Botan heqê Ajansê Welatî ser o va ke hewldayişo zaf bi xêr o, Ajansê Welatî virazîya, destpê kar û gurê xo kerd û ard ziwan ke bi xêr bo heme kurdan rê.
Pêşkêşvan û Rojnameger Mehmet Şahîn zî dîyar kerd ke Ajansê Welatî do tena kurdkî xeberan bivirazo û weşan bikero. Hewceyêko ma heme wayîr bivejîme û vila bikerîme û ard ziwan ke çapemenîya dîjîtalî de zî Ajansê Welatî rê wayîr bivejîme.
