Kitabê Mehmet Şahînî ‘Engizek’ten Esintiler’, Weşanxaneyê Payîzî ra vejîya û resa wendoxanê xo.
Kitabê Mehmet Şahînî ‘Engizek’ten Esintiler’ ke kategorîyê vîrardiş-bîyografî de yo, Weşanxaneyê Payîzî ra vejîya. Kitab, serranê 1986-1993î de, herêma ke sey “Eyaletê Başûrê Rojava” yena namekerdene, yanî Mereş, Dîlok, Meletî û Semsûr de têgêrayîşê gerîlayan ser o yo.
Mehmet Şahîn o ke serra 1994î de ame hepiskerdene û 30 serrî û 6 aşmî zindan de mend, vateyo verên ê kitabî de ca dayo nê vateyan:
“Mi waşt ke bi xêzanê qalindan bimojna ke qehremanê modernî nêmir ê, ê ma reyde ciwîyenê û sey mîrasê demê vîyarteyî rayîr mojnenê ma.
Reyna na xebate de, komplo û provokasyonê ke koyanê Engizekî de ameyê viraştene, ca dayo înan. Şima do tede şahîdîya rewşanê zaf şikite û xemgînan bikerê. Ez bawer kena ke wendoxî zî do mîyanê nê gururî de, nê dej û xemgîniya bêpênîye mi reyde hîs bikero.”
