AVEG-KON’î destbendkerdişê rojnamegere Hevale Arslan sey hêrişê vera kurdan name kerd û semedê xurtkerdişê têkoşînî veng da.
Konfederasyonê Macîranê Bindestan ê Ewropa (AVEG-KON) semedê rojnamegere Hevale Arslan a ke Belçîka de ameye destbendkerdene, eşkerayîya nuştekîye daye.
Eşkerayîye de nê ameyî vatene: ”Belçîka bi nê tewirê xo krîmînalîzekerdişê kurdan rê dewam kena. Par Medya Haber TV ame sereştene, emser zî zextê vera rojnamegeran dewam kenê. Zextê Fransa zî yê vera kurdan û hetanê muxalîfan dewam kenê. Ganî ma vera nê hêrişan têkoşînî xurt bikerê.”
Eşkerayîye de ame vîrardene ke Belçîka û Fransa de zextê vera kurdan zêdîyayî û tewr peynî de Fransa de dezgehê kurdan hetê polîsan ra ameyî sereştene û hîrê kesî ameyî destbendkerdene. AVEG-KON’î vat ke nê zextî parçeyê polîtîkayanê hêrişkaran ê vera rojnamegeranê macîr, karker û kedkaran ê Ewropa yê û semedê xurtkerdişê têkoşînî veng da.
