Rojnameyê Azadîya Welatî hûmara xo ya 23. de bale anceno serê muhîmîya ziwanî û bi manşetê “Mîlîtanîya Ziwanî” vejîya.
Hûmara 23. yê Rojnameyê Azadîya Welatî bi manşetê Kirmanckî “Mîlîtanîya Ziwanî” vejîya. Rojnameyî bi minasebetê Konferansê ke hewteyo bêro serê statuyê Ziwanê Kurdkî Amed de bêro viraştene, ca da muhîmî û manaya konferansê ziwanî. Rojnameyî na hewte bi Kirmanckî ca da roportajî û serê muhîmî û manaya Konferansê Ziwanî de vindert. Rojnameyî derheqê babete û amancê konferansî de rojnameger Ferhat Akinci reyde roportaj kerd û seba pawitiş û averberdişê ziwanî bale ante serê mîlîtanîya ziwanî.
Rojnameyî reyna ca da meqaleyê nuştox Felemez Ulugî yo bi sernuşteyê “Têkoşînêko radîkal lazim o”, meqaleyê nuştoxe Kurdistan Lezgîyeva yo bi sernuşteyê “Rêçatîya Rusya, DYA, Çîn û YE”, meqaleyê nuştox Mamoste Silêmanî yo bi sernuşteyê “Pawitişê ziwan û edebîyatî”, meqaleyê nuştox Rifat Ronî yo bi sernuşteyê “Seba statu yewîye lazim a” û meqaleyê nuştox Prof. Dr. Abdulîllah Polatî yo bi sernuşteyê “Faşîzm, ters û birîna Kurdan.”
