Kongreya Îslamê Demokratîke bi beyanatêk vat ke ê berê camîyan pêroyî koçberê Efrîn û Şehbayêyî ra akenê û wa bi pîya şaran verba dişmenî bivinderê
Seba hêrişê Dewleta Tirk a dagirker ê ser şarê Efrînî û koçberbîyayişê înan ê raya diyine, Kongreya Îslamê Demokratîke beyanatêk da çapemenîye. Beyanetî de verê awanîya kongreye hetê endamê Karûbarê Camîyî ya Kongreya Îslamê Demokratîke ya Bakûr-Rojilatê Surîyeya Casir El Nasir ame wendiş.
Beyanat bi nê rengî yo: “Ma sey Kongreya Îslamî Demokratîke bi baldar qewimyayişî yê peynî ser herraya Surîyeye şopnenê. Netîceyê desteştişê lejkerî û şer de şarê ma nêçare koçber bîyê. Ser bingeya bi rêgezê Îslamî yê aştîye ma vengê pîyabîyayişî kenê. Ma berê camîyê xo pêroyî koçberê xo ra akenê. Seba ke dişmen înan keyeyê înan koçber kerd û herraya înan ra, înan dûrvist. Ma veng heme partî, kes û sazîyan kenê ke pîya verba nê qeyranî wurzê û erkê xo yê exlaqî pê bîyarê. Wa destê hetkarîye her kes ke lazimîya înan pê esto bêro dergkerdiş.
Beyanat de tewro peynî wina ame vatiş ê heme ver bi başîya welat û şar bi pîya bibê û şarê înan heme tenganeyî ra xilas bibo.
