Bi pêşengîya TJA, Wan de seba kesanê ke do beşdarê “Rayîrşîyayîşê Gemlîkî” bibê, vernîya awanîya DEM Partî ra heta Parka Musa Anterî rayîrşîyayîşêk ame viraştene.
Cinî, Wan de seba beşdarbîyayîşê Rayîrşîyayîşê Gemlîkî kewtê rayîr ke Têgêrayîşê Cinîyanê Azadan (TJA), seba azadîya fîzîkî ya Rayberê Şarê Kurdî Abdullah Ocalanî organîze kerdo. Cinî, ewilî awanîya DEM Partî de ameyê têhet û heta Parka Musa Anterî rayra şîyî. Rayîrşîyayîşî de sloganê sey “Cinî cuye azadîye azad kena rayberî”, “Bê Serek cuye nêbena” û “Heqê hêvîye heqê şaran o” ameyê vatene.
Cinî ke resayê Parka Musa Anterî tîya de weniştê otobusan û seba ke beşdarê rayîrşîyayîşê bibê verê xo da Gemlîk.
