Cinîyê Hîndîstanî seba ke piştî bide Şorişa Cinî yê Rojava venga akademîsyenanê cinî, femînîst, nuştox, rojnameger, hunermend, siyasetmedar û pawitoxanê heqê mordeman ê eyaletanê cîyayan ê Hîndîstanî da û waşt ke piştîdayişê şoreşê cinîyan ê Rojavayî bêro kerdene.
Vengdayîşde şorişê Rojava sey “Hêvîyê binê dorpêçkerdene de ra” vajîya û venga pawitena şorişî ame kerdene. 221 kesan seba paştîdayene îmzeyê xo dayî. Eşkerayîye de ame nîşandayene ke modele têduşîye û demokrasîyî yê Rojavayî bi dest û pêşengîya cinîyanê Rojavayî aver şîyo û teyna seba Kurdan nê seba heme cinîyanê herême û dinya îlhamêro. Ame vatene ke hêrişê sere Rojavayî rasterast destkewteyanê cinî û şorişê cinîyan hedef gênê û waştene kerde ke hêrişê sere Rojavayî lerze bêrê ravaznayene.
Namdaranê Hîndîstanî îmza dê
Mîyanê îmzakerdoxan de xêlî nameye nasî yê qadanê huner, akademî, medya, pawitoxê heqanê mordemîye û sîyasetî ca gênê. Mîyanê nînan de rexnekerdoxa hunerî Geeta Kapur, wênekêş Nilima Sheikh, akademîsyena fêmînîst Mary E. John, nuştox û çalakvana fêmînîst a namdare ya Amerîkayê Eve Ensler, reqas û çalakvan Mallika Sarabhai, mudira belgefîlm Anand Patwardhan, akademîsyen Uma Chakravarty, rojnameger Pamela Philipose û John Dayal, parlamenterê verî Jawahar Sircar, nuştox Ram Puniyani û pawitoxa heqanê mordeman Shabnam Hashmi est ê.
Waştenê Kurdan zê waştenanê xo nişan dane
Eşkerayîye de pêkerdişê mîyanê HSD û Şamî ardî vîre û zê gamêka rinde dê zanitene. Îmzakerdoxan bale ante va ke waştenê cinîyanê Rojavayî û Vakur û Rojhelatê Sûrîye, hetê cinîyanê Hîndîstanî ra zî bêrê qebulkerdene û bêrê resnayena raya pêroyî.
Waştenê ke cinîyan qebûl kerde wina yê:
– Heqê ke seba şarê Kurdî û heme şaranê Vakur û Rojhelatê Sûrîye yene waştene qanûnê bingehînî de cayê xo bigo û bêro naskerdene.
– Rayberîya Xosere ya Vakûr û Rojhelatê Sûrîye bî şikleko fermî bêro naskerdene.
– Destkewteyên şîyasî, huqûqî û komelî yê ke cinîyan di prosese şorişî de girewtê xo dest bêrê pawitene û garantîkerdene.
– Seba şaro ke ameyo koçberkerdene bi taybet zî şarê Efrîn û Serêkanîyê mîyanê ewlehî û zere rehetîye de yagêrê serê herdanê xo û azad bicuyê.
Eşkerayîye bi silogana ke dinya ra mal bîya “Jin, jîyan, azadî” peynî bî.
