Kadrîye Dogane ke xebata “Dayîkan” ê ke hetê DAD’î ra ame viraştiş de qisey kerd û ard ziwan ke qiseyê cinîyanê elewî û dayîkan nînî goştaritine û va: “Dayîkî resnayoxê heqîqetî yê.”
Meclîsê Cinîyan ê Komeleya Elewî ya Demokratîkan (DAD) bi şîarê “Heqîqet Rayîrê Dayîke yo” xebata “Dayîkan” ê ke di rojan do dewam bikî, da dest pêkerdiş. Xebate ke Dêrsim dewa Marçik de ameye viraştiş ra Hemsereka Pêroyî ya Partîya Herêmanê Demokratîkan (DBP) Çîgdem Kiliçgun Uçar, rêxistinê komelî yê sîvîlî û temsîlkarê partîyê sîyasî û xeylê cinîyan tewrê ci bî.
Cayê xebatî de, pankartê “Wayîrê rayîrî dayîke ya, nimite aye de ya” û “Anahîta ra Dayîke Fatma ra, Zafîreyan ra Sakîneyan rê heqîqetê cinîyan est o. No tarîx ê ma yo” ameyî elaqnayîş. Xebate, bi roşnakerdişê çira û dara-dûzî dest pê kerd.
Qiseyê akerdişî Hemsereka Pêroyî ya DAD’î Kadriye Dogan kerd û wina va: “Dêrsim de vengê awe, sîyaya dayîke, boya herra û germîya tîje reyde ma yew ca de ameyî pêser. Dayîkî resnayoxê heqîqetî yê. Na komare, renganê ma kerd tarî, bawerîya ma qedexe kerd. La Elewîyî vera heme qedexeyan cayê xo de cuwîyena. No zî qewetê bawerî ma yo. Ma her ca de bawerîya xo de bidê cuyakerdene.”
