DBP’yî bi munasebetê serrneweyî hesabanê xo yê medya dîjîtale de mesajêk pare kerd û mesajê xo de seba serra newîye hêvîyê xo yê aştî, azadîye û demokrasîyî îfade kerdê.
Partîya Herêman a Demokratîke (DBP) bi wesîleyê vîyartişê serrêka newîye hesabanê xo yê medya dîjîtale ser o, seba pîrozkerdişê serrneweyê şarê kurd û şaranê bînan mesajêk pare kerd.
Mesajê DBP’yî wina yo:
“Ma hêvî kenê ke serra newîye şaranê ma rê aştî, azadîye, edalet û demokrasî bîyaro.
Amed ra heta Ûrmîye, Qamişlo ra heta Hewlêr; ma serrneweyê şarê kurd ke Kurdîstan de ciwîyeno û serrneweyê heme şaranê dinya zerrî ra pîroz kenê. Serra vîyarte de tewrê heme polîtîkayanê teda û înkarkerdişî, hêvîya aştî newera ganadar bîye.
Seba ke na hêvî serra 2026î de şîn biba, kok bido û bidebidilîyo bibo aştîyêka domdare, ma do hîna zaf xover bidê û xo hîna zaf rêxistin bikerê. Tirkîya de serra vîyarte de her kesî bi hewayêko zelal dî ke bawerîya şaran a bingeyê azadîye, demokrasî û edaletî ser o gandar o.
Bi nê hewayî ma bawer kenê ke serra 2026î do biba serrêka ke îradeyê şaran hîna xurt bibo û awankerdişê aştî û komelê demokratîkî de vernîya qonaxêko newe akero. Bi na hêvî û bawerîye ma wazenê ke serra newîye şaranê ma rê aştî, azadîye, edalet û demokrasî bîyaro.”
