Selahattîn Demîrtaşî derheqê qerarê PKK’yî de mesajêk erşawit û vat: “Ma na gama tarîxî bi coş û kelecan pêşwazî kenê.”
Endama Heyetê DEM Partîyî ya Îmraliyî Pervîn Buldan Hepisxaneyê Edîrneyî de Hemserekê HDP’yî yê Pêroyî yê verî Selahattîn Demîrtaşî zîyaret kerd. Ame zanayene ke zîyaret çarçewaya hedîseyanê sîyasî de ameyo kerdene.
Buroyê Çapemenîyî yê DEM Partî dîyar kerd ke Demîrtaş bi rayîrê Pervîn Buldan mesajêk erşawito.
Mesajê Demîrtaşî wina yo:
“Ez silam û heskerdişanê xo her kesî rê erşawena.
Ma hem dej û vîrameyîşê kekê Sirri ciwîyenê û hem zî hêvîya gamanê seba aştî yenê eştene ciwîyenê.
Bi munasebetê encamnameyê kongreya PKK’yî ez spasîya rayberîya PKK’yî yo ke nê qerarî girewto, bi taybetî zî ez spasîya birêz Ocalan kena. Ez spasîya Serekkomar, birêz Bahçelî, birêz Ozel û rayberîya DEM Partî, heme serekanê partîyanê sîyasî, bi taybetî birêz Ahmet Turk û birêz Pervîn Buldan kena. Ma na gama tarîxî bi coş û kelecanî pêşwazî kenê. Sey gamêka pîle ke seba vîrameyîşê Sirri ameyba eştene.
Nika dem ameyo ke seba caardişê aştî, aramî, refah, demokrasî û azadî û pîya zerrî ra têbigeyrê û Tirkîya her hetî ra pîl biba. Seba ma hemeyan bi xêr bo.
Xebat weş.”
