Komela Elewîyanê Demokratîk (DAD) ke dewa Xêç de zone kirmanckî de Cemê Xizirî gîreda, Pîr û Talîbî ameyê pêser rindîye û aştîye ser o çîlayî veşnayî û loqme kerd vila. Elewîyê Dêrsimî, nîyete xo kerd ju û vengê heqî da: “ Xizir qomê ma rê aştî bîyaro.”
Komelê Elewîyane Demokratîk, dewa Xeç de ameyê peser, cemê Xizirî gîreda. Pîr û talîbî amey ju ca, çilayî veşnayî, loqme vila kerd. Cem de aştî û rindîye ser mînete ameyê kerdene. Xizir kam ke tengiye der o ci re bireso ameyî waştene. Vengê heqî ame dayane. Rindîye ser o çilayî ameyî vesnayene. Sema gêrayî û loqme ameyî vesnayene.
Gîrêdayîşe Cem, Ana Narîn Gûlçîçegî, Ana Fîraz Yalvaç û Fetîye Yildirim kerd. Ana Narîn Gûlçîçeg, venge qomê xo da, vengdayîşê Ana Narîn Gûlçîçegî hînî bi: “Xizir kam ke tengiye der o, rew bireso ci. Qomê ma heq kenê zone xo, xo vîr ra mekere. Jar û dîyarê xo, îtîqat û kulturê xo vîr ra mekere. Kam ke tengîye der o, Xizir ci rê embaz bo.”
Girêdayîşê Cemî ra pey, loqmeyê Xizirî ameyê vilakerdene.
