Dêrsimijî dîyar kenê ke tayînkerdişê qeyûman verba şarî de sûcêk o û vatê ke: “Hemşaredar Cevdat Konak ma weçîna, ma hetanî wezîfeyî ra nêgê, şima nêeşkenê wezîfeyî ra bigê.”
Wezaretê Karêzereyî 22ê teşrine de şaredarîyê Dêrsim û Pulurî ra qeyûm tayîn kerd û hema zî verba qeyûman bertekê şarî domyeno. Peynîya tayînê qeyûman verê şaredarîyan bi barîyerê betonî ameyê girewtiş. Demê çalakîyan de zî 9 kesê ameyê hepiskerdiş.
Nêrazîbîyene heqa
Dêrsimij Abdulhalîm Kerîm vat ke tayînkerdişê qeyûman îradeya şarî ra bêhûrmetî yo û dîyar kerd ke: “Çi heyfo ke raya hîrêyin a, Dêrsimî ra qeyûm yeno tayînkerdiş. Şaristanê rojawanî ra tayîn nêkenê la Dêrsimî ra tayîn kenê. Heqê ma xozayî yo ke ma qeyûman ra nêrazîbîyena xo nîşan bidim.”
Hewna welatij Yusuf Polat zî ard ziwan ke Dêrsimî ser heme polîtîkayê înkar û îmhayî şuxilnenê, polîtîkayê koçkerdişî zî netîceya no planî yo û vat ke: “Hewna wazenê ma bêveng bikê, Dêrsim şaristanê xoverdayişî yo. Bi rayîrê binçim û hepiskerdişî wazenê rêxistinîya ma vila bikerê. Qeyûm tena problemê partîya DEMî nîyo, problemê nasname û warî yo.”
Suç kenê
Alîcan Gunduz zî vat ke: “Weçînîteyê ma, îradeya ma yê û no ser ganî ma îradeyê xo ra wayîr bivejîme.”
Fatma Yilmaz vîr ard ke “Rewşa Dêrsimî orte de ya, nê febrîka esto nê zî îmkanê karî û ma vêşanî la derdê înan tayînê qeyûmî yo.
