Roniştişê newe ra muhakemekerdişê weşanger Azad Zal de ke bi îdiaya “endamtîya rêxistine” yeno muhakemekerdene, waştişê cezaya hefsî ame kerdene.
Roniştişo 2. ê dewaya nuştox û wayîrê Weşanxaneyê J&J’yî Azad Zal ke bi îdiaya “endamtîya rêxistine” newe ra yeno muhakemekerdene, Mehkemaya Cezayanê Giran a Amedî ya 8. de ame kerdene.
Azad Zal beşdarê roniştişî nêbi la avûkatê ey Abdullah Çager amade bi.
Serekê mehkemayî da zanayene ke cewabo de je Serdozgerîya Komare ya Amedî rê amebi erşawitene, qerarê bêtaqîbîya cipersayîşî ameyo dayene. Dozger zî mutalaya xo de waşt Azad Zal bi eyn îdia bêro cezakerdene.
Avûkatê Azad Zalî, Abdullah Cager vat ke mutala nêyana qebulkerdene û seba pawitişî wext waşt. Mehkema waştişî qebul kerd û roniştiş taloqê 26ê çeleya 2026î kerd.
