Duran Kalkanî destpêkê Kongreya 12. ya PKK’yî de qisey kerd û ard ziwan ke têkoşîn nêqedîyayo, no yew peynîkerdiş nîyo; bi armancê berzkerdişê têkoşînî afernayîşê zemînanê neweyan o.
Kongreya 12. ya PKK’yî mabênê 5-7ê gulane de Herêmanê Pawitişî yê Medya de amebî kerdene. Endamê Komîteya Rayberdişî ya PKK’yî Duran Kalkanî destpêk de qisey kerdibi.
Kalkanî nê ercnayîşî kerdibî:
“Ez kongreya 12. dana destpêkerdene. Kongre mîyanê şerê giranî de yena kerdene. Kongre di beşan ra yena kerdene. Hêzê HPG û TJA-Starî zî waranê xo de heman wextî de kongre kenê. Ez Rayber Apoyî û pêro embazan selam kena.
Na kongre seke Rayber Apoyî vat hetê rêxistinî ra do biba kongreya peyêne.
Rayber Apoyî vatibi ke ‘PKK’yî her hele bi zehmetî, têkoşîn aferna, vist destî.’ Qet yew destkewte bê bedelî û bi asanî nêame destvistene.
Bêguman na kongre ê bînan ra cîya ya. Manena kongreya yewine zî. Têkoşîn nêqedîyayo, no yew peynîkerdiş nîyo; bi armancê berzkerdişê têkoşînî afernayîşê zemînanê neweyan o.
PKK 1978 de ronîya. PKK bi rêxistinkerdişê xeta Rayber Apoyî. PKK’yî Hîlwan de, Sêwrege de gamê xoverdayîşî eştî. Zîndanan de vera Darbeya 12ê Êlule Xoverdayîşê Rojeyê Mergî yê Pîlî aferna, 15ê tebaxa 1984î de hemleya gerîlatîye reyde xoverdayîş aver berd, serranê 90an de netîceyê girîngî vistî destî. PKK’yî rolê xo yo tarîxî bi serkewtişî ard ca.
Rayber Apoyî mîyanê îşkence, tecrîd û qirkerdişê Îmraliyî de cigêrayîşê vurnayîşê paradîgma kerd. Vurnayîşê paradîgma şorişo îdeolojîk o pîl o; serkewtiş o. Tena seba Kurdîstanî ney na hemleya Rayber Apoyî seba pêro cinîyan û bindestan felat a.
Hinî zanîyeno ke ma senî resayê na aste. Ma pêro hêrişê plankerdeyî eciqnayî, îmha û tasfîyekerdiş şiknayî, pûç kerdî. Ma krîz û kaosê mîyanê sîstemê qirkerd û kolonyalî bin vistî.
Na kongre manena kongreya yewine. Senîn? Tîya de îradeyêko pîl est o ke destpêkêkê newî biaferno. Ronîyayîşê PKK’yî ra nata bi îdîa û hêzêkê xurtî seba awankerdişê hemleyanê neweyan û afernayîşê zemînî qedînayîş o.
Têgêrayîşê Apogîran rayraşîyayîşê 47 serran bi nasnameyê PKK’yî qedîneno, xeta komelê demokratîkî yê Apogîrî, xeta demokrasî û azadîye, xeta şaristanîya demokratîke aktîf keno. Bêguman no do verê sîyasetê demokratîkî abikero.
Bi nê hîsan ez pêro îdare û komîteya amadekarîye yê kongre rê serkewtişî wazena.”
