Zekî Bayhano ke sekreteryaya Rayberê Şarê Kurdî Abdullah Ocalan de ca geno, va entegrasyono demokratîk rayîrê komelê demokratîk o û çarçeweya tekîlîya dewlete û komelî de komelo demokratîk bi entegrasyonê demokratîkî mumkun o.
Zekî Bayhan ke konseptê manofestoyê neweyî yê Rayberê Şarê Kurdî Abdullah Ocalan erjnayî, va entegrasyono demokratîk rayîro bingeyî yê komelê demokratîk o. Bayhanî îfade kerd ke Manîfestoyo newe semedê bedilnayîşanê global û herêmkî, tengdemendişê têgêrayîşê sosyalîstî û newera dîzaykerdişê Rojhelatê Mîyanênî hewce keno.
Azadîya nasnameyan
Bayhan va: ”Entegresyono demokratîkî ne cîyaker o ne zî asîmîlasyon o, bi yewbînan qebulkerdişê nasnameyanê cîya cîyayan, temînatê qanûnê bingeyî û dezgehbîyayîşê kulturê xoîdarekerdişî mumkun o. No model bê bedilnayîşê sînoranê dewlete, caardişê cuya seyyewbîne û azade yê nasnameyan hedef geno.”
Komara demokratîke
goreyê xebera ANF’î, Bayhan dîyar kerd ke muzakereyê demokratîkî sey proseso ke mabênê seyyewbînan de rayra şino û çareserîya meseleyanê komelkî hedef keno pênase kerd û va komelo demokratîk û komara demokratîke awanîyê ke yewbînan temam kenê.
Bayhan bale ante ser ke globalbîyayîş netewe-dewlete zehîf keno û va enterasyono demokratîk dewlete demokratîkbîyayîşî rê mecbur veradeno û no bedilnayîş beno ke wext bîgiro la no proses gama ci ya verên a.
Bayhan va rixmê rîskan proses do bi rêxistinîya şarî û perpektîfê Rayberê Şarê Kurdî Abdullah Ocalan ser bikewo û semedê yewîya komelkî û xurtkerdişê têkoşînî veng da.
Sekterya de ca girewt
Zekî Bayhano ke sereteryaya Rayberê Şarê Kurdî Abdullah Ocalan de ca geno rîyê problamênê weşîye ra Îmrali ra şawiya Zîndanê Îzmîrî. Bayhano ke konseptanê entegrasyonê demokratîkî û komelê demokratîkî xebatan keno. Sosayalîzmo demokratîk û îdeolojîya azadîye ser kitabî nuştî.
