Endama Serekîya Konseya PYD’yî Foza Yûsif rayîrşîyayîşo ke bi pêşengîya cinîyan, bi sloganê “Ma Bi Hêvî Ver Bi Azadîye Rayra Şonê” yeno kerdene, ey rê mesajêk erşawit û vat: “M a vengê xo vengê şima reyde kenê yew û ma vanê, dem demê azadîya Rayber Apoyî ya.”
Endama Serekîya Konseya PYD’yî Foza Yûsif rayîrşîyayîşo ke bi pêşengîya Têgêrayîşê Azadîya Cinîyan (TJA) Amed ra ver bi Anqara seba azadîya fîzîkî ya Rayberê Şarê Kurdî Abdullah Ocalanî bi sloganê “Ma Bi Hêvî Ver Bi Azadîye Rayra Şonê” dayo destpêkerdene, ey rê mesajêko bi vîdeo erşawit.
Rayîrşîyayîşê Têgêrayîşê Azadîya Cinîyan (TJA) ke bi sloganê “”Ma Bi Hêvî Ver Bi Azadîye Rayra Şonê” Amed ra ver bi Anqara yeno kerdene,
Mesajê Foza Yûsif wina yo:
“Nameyê heme cinîyanê Vakur û Rojhelatê Sûrîye ser o ma cinîyanê ke beşdarê nê rayîrşîyayîşî bîyê, ma bi dilgermî şima silam kenê û heskerdişê xo şima rê erşawenê.
Cinîyê azadîwazî, Rayber Apo Tirkîya de prosesêko tarîxî da destpêkerdene. Bi nameyê şaran û bi nameyê cinîyan, o wazeno problemî bi hewayêko aştîyane çareser bikero. Ma bawer kenê ke tana seba ucayî nê, seba pêroyê Rojhelatê Mîyanênê do bibo kilîtê ronesanêko newe û do problemî bi hewayêko bingeyîn çareser bikero. Seba no bêro ca, ganî teqez sîstemê Îmraliyî birijîyo û Rayber Apo bi hewayêko azad sîyaset bikero.
O semed ra ma vengê xo vengê şima reyde kenê yew û ma vanê, dem demê azadîya Rayber Apoyî ya, bi îradeyê cinîyan ma eşkenê heme astengîyan orte ra wedarnê. Biciwîyo yewîya cinîyan, biciwîyo şorişê Jin, Jîyan, Azadî.”
