Pervîne Buldan ard ziwan ke bi eşkerayîya PKKyî roja tarîxîye rê şahîdîye kenê û vat, ”Gerek inkey her kes semedê aştîye bixebito.”
Endama Heyetê Îmraliyî yê DEM Partî Pervîne Buldana ke derheqê na gama tarîxîye de rê qisey kerd, kam ke nê prosesî de kede daye înan rê spas kerd û vat tewr zaf zî Sirri Sureyya Onder spasî heq keno.
Pervîne Buldan ard ziwan ke bi eşkerayîya PKK’yî roja tarîxîye rê şahîdîye kenê û nê vatî: ”Na cografya ke bi serran o dejî qewimîyenî, bedelî yenê dayene, dayîkî bermenê hinî berêko newe beno a, proseso newe dest pêkeno. Têna kombîyayîşê kongreya PKK’yî xo ser gamêka tarîxîye ya. Eynî wextî de serkewtişêk o. Çunke pêvînayîşanê ma yê Îmraliyî de Birêz Ocalanî biisrarî vatêne gerek prosesê demokratîkbîyayîşî bêro destpêkerdene, şer biqedîyo.
Inkey ma netîceya nê genê. No semedê ma perûne zaf muhîm o. Inkey gerek her kes semedê aştîye bixebito. Her kes gerek haşîtye zerrîya xo de hîs bikero. Ma zanê ke nê demî şaranê Tirkîya rê aştîya girde daye qezenckerdene. Coka ez vana no dem tarîxî yo. Xora hinî binê nameyê demokratîkbîyayîşî de gamî do bêrê eştene. Gerek hinî her kes bawerîya yewbînan bikero û dormeyê aştîye de bibom çember, nê prosesî bikero komelkî. Ewro ra tepîya her gama ke semedê demokratîkbîyayîşî do bero eştene serkewtiş o. Ma perûne rê xeyrên bo. Ez hêvî kena ke na cografya de hinî gonî, şer û hesirî qedîyenê wisarê rindî qewimîyenî, rojê rindî ciwîyenî.”
