Qezaya Geverî ya Colemêrg de çarçatê Oremarî de qezaya trafîkî virazîya û netîceyê qeza de 3 kesî cuya xo ra bîyî û 2 kesî zî birîndar bîyî.
Qezaya Geverî ya Colemêrgî de, serê sibayî çarçatê Rayîrê Hawirdorî ê Oremarî de qezayêk virazîya. Dolmîşê raywanan û kamyonêk ginayê yewbînan û netîceyê qezaye de 3 kesî ke dolmîşe de bî, cuya xo ra bîyî. Sewbînan 2 kesî zî birîndar bîyî.
Agahdarkerdişê ser, ekîbê weşîye û îtfaîye sewqê cayê qeza ameyê kerdiş. Mudaxaleye, ewilî cayê qeza de birîndaran rê ame kerdiş, dima ra birîndarî bi ambulanse berdê nêweşxaneyê dewlete ê Geverî.
Ame eşkerakerdene ke derheqê qeza de cipersayîş ame dest pêkerdiş.
