Serekwekîla DEM Partî Gulîstan Kiliç Koçyîgît eşkera kerd ker Rayberê Şarê Kurdî Abdullah Ocalanî pêvînayîşê Îmraliyî de derheqê entegrayonê HSD’yî de vato: “Hêzêk do tewrê artêşa merkezî bibo û hêzo bîn zî do pawitişê herêmî bikero.”
Serekwekîla DEM Partî Gulîstan Kiliç Koçyîgît eşkera kerd ke Rayberê Şarê Kurdî Abdullah Ocalanî pêvînayîşê Îmraliyî de derheqê Sûrîye û HSD’yî de mesajê muhîmî dayî.
Gulîstan Kiliç Koçyîgîta ke sey Endama Komîsyonî ya DEM Partî tewrê pêvînayîşê Îmraliyî bîye T24’î a Cansu Çamilbel rê qisey kerd.
Koçyîgît vat: “Abdulah Ocalanî derheqê ameyoxê HSD’yî de modelêkê entegrasyonî yo dihetin pêşnîyaz kerd. Goreyê nê hêzêk do tewrê artêşa merkezî bibo û hêzo bîn wezîfeyê pawitiş û asayîşî bîyaro ca.”
Gulîstan Kiliç Koçyîgît îfade kerd ke Rayberê Şarê Kurdî Abdullah Ocalanî nêvato wa YPG bêşert pêro çekanê xo rono û xo sey PKK’yî fesih bikero û vat no raşt nîyo.
Koçyigît îfade kerd ke ke Rayberê Şarê Kurdî Abdullah Ocalanî prosesê Sûrîye erjnayo û bale ante îdîayanê bedilîyayîşê Ahmed el Şara ser o û hîşyar kerd ke eke demokratîkbîyayîş nêbo, beno ke dîktatorîya bîne vejîya orte.
Koçyîgîte îfade kerd ke tewiro bingeyî yê ke Rayberê Şarê Kurdî Abdullah Ocalanî semedê Tirkîya, Sûrîye û Îraqî demokrasî û îdareyo herêmî yo û vat munaqeşeyê şerî nê famî de planê diyînî de manenê.
Pêvînayîş de ke Rayberê Şarê Kurdî Abdullah Ocalanî nameyê Mazlûm Ebdî û Îlhame Ehmed îfade kerdo û vat ganî kanalê tekîlîye yê îdareyê Sûrîye reyde bêrê xurtkerdene.
Koçyît îfade kerd ke kilmvateyê derheqê pêvînayîşê Ocalanî de erjnayîşê Ocalanî yê derheqê Sûrîye ca nêgenê û vat na kemaneya pîl a. Koçyîtîg vat ke ke Rayberê Şarê Kurdî Abdullah Ocalanî vato eke şertê bêrê pêardene o do paştî bido çareserîya mesleya Sûrîye.
