Girewteyê ke Hepisxaneyê Cinîyan ê Erzinganî de girewte yê dîyar kerd ke rayberîya hepisxaneyî heqê înan ê pawitişê bi Kurdkî qedexe kerdo.
Girewteyê ke Hepisxaneyê Cinîyan ê Erzinganî de girewte yê, qiseykerdişanê xo yê hewtane de ke keyeyanê xo reyde kenê, înan ra dîyar kerdo ke rayberîya hepisxaneyî heqê înan ê pawitişê bi Kurdkî asteng kerdo. Goreyê xebera Ajansê JINNEWS’î girewteyan dîyar kerdo ke înan vera cezayanê disîplînî yê ke hetê rayberîya hepisxaneyî ra ameyê dayene, bi Kurdkî Mehkemaya Înfazî ya Erzinganî û Mehkemaya Cezayan a Berze pawitiş kerdo û rayberîya hepisxaneyî vernîya înan girewto ke pawitişê bi Kurdkî nêkerê.
Vera redkerdişê gêrayîşê rutî cezaya hucreyê yewkesî
Girewteyê ke binpaykerdişê heqanê merdiman ê ke înan keyeyanê xo reyde pare kerdî, înan de dîyar kerdo ke demê şîyayîşanê xo yê nêweşxaneyan de hetê cendermeyan ra rastê gêrayîşê rutî ameyê. Înan dîyar kerd ke seba ke înan nê rêbazî red kerdo, tena şîyayîşê nêweşxaneyî nê, eynê wextî de rayberîya hepisxaneyî vera înan cigêrayîşê disîplînî dayo destpêkerdene û hucreya yewkesî înan rê ferz kerda.
Bêyî ke awe bidê derman ferz kerdê
Girewteyan îfade kerdo ke demê şîyayîşê nêweşxaneyî de bêçare mendê ke bê awe dermanan bişimî. Înan dîyar kerdo ke demê şîyayîşê nêweşxaneyî de bi saetan kelemçkerde mendê û doktorê hepisxaneyî erey erşawitişê nêweşxane reyde nêweşîya înan hîna giran kerdî.
