Merkezê Heqe Merdiman ê Îranî dîyar kerd ke hepsê sîyasî yê kurd Rizgar Begzade verba nêzelalîya pêvajoya mahkeme û zextê sazîyê ewleyîye yê demê cipersayişî de dest bi greva vêşanî kerdo.
Merkezê Heqê Merdiman ê Îranî aşkera kerd ke hepsê sîyasî yê Kurd Rizgar Begzade Baba Mîrî verba nêzelalîya pêvajoya mahkeme û teda û zilmê sazîyê ewleyîye yê demê cipersayişî de dest bi greva vêşanî kerdo.
Ame dîyar kerdiş ke zêdeyê 22 aşman îşkence ci rê ameyo kerdêne û bi îdiaya “dişmeneyî û serewedartîye” qerqizyayişê dardekerdişî ser ci de est o.
Merkezî destnîşan kerd ke Rizgar Begzade Baba Mîrî demê Şorişî “Jin, Jiyan, Azadî” de tedawîkerdişê dirbetîyan û dayişê dermanan de hetkarîya dirbetîyan kerdo.
17ê Nîsana 2023î de Rizgar Begzade Baba Mîrîhetê hêzê rejîmê Îranî ra ame destbendkerdêne. Rizgar Begzade 133 roj hepisxaneyê yew kesî de ameyo veradayiş û îşkenceyê tund ê fîzîkî û psîkolojîkî ci rê ameyo kerdêne ke bî semedê dirîyayişê goşê ci. Her wina heqê pawitoxîye bêpar ameyo veradayiş û 15 serrê cezaya hepisxaneyî ci rê ameyo birnayiş.
