Herêma Serhedî de vewra ke 5 rojîyo bê mabên varena serê amayene û şîyayena mordeman de tesîr kena. Şaristanê Colemêrg, Wan, Bedlîs, Mûş, Qers û Îdirî de raya zêdeyê hezar û 832î dewan ameya girewtene.
Vewra ke 5 rojîyo bêmabên varena zaf cayan de tesîrê cuyayena komele kena. Nê cayan ra yew zî Serhed o. Serhed de bi hezaran rayê dewan ameyê girewtene. Quweta Midurîyetê Rayanê Bejayîyan seba pakkerdene nêvejena.
Gorê agahîyan Colemêrg, Wan, Bedlîs, Mûş, Qers û Îdir de raya hezar û 832 dewan semedo ke zaf vewre vara ameya girewtene.
Colemêrg
Şariştanê ke tede vewre zaf varena nînan ra yew zî Colemêrg o. Mîyanê şariştanê Colemêrgî de berzîya vewre metroyê est a û koyanê Colemêrge de berzîya vewre bîya 2 metroyî. Goreyê agahîyan raya 357 dewanê Colemêrge verê vewre ra ameyê girewtene.
Timî timî seba akerdena rayanê
Colemêrg-Wan û Colemêrg-Çelê hewldayene est a la belê tersê çixan ra zaf cayan de akerdene zehmeta.
Nê 5 rojanê pêyênan de Colemêrge de hetanû nika 14 çixî ameyî.
Wan
Şaristanê Wanî de zî seba ke vewre varena zêdeyê 625 dewan raya xo ameya girewtene. Teyna rayê dewan nê mîyanê şaristanî zî binê vewre de mendo. Reyna çixê serê raya Wan û Bedlîsî zî şiyayene û amayene asteng kenê.
Bedlîs de zî rayê 294 dewan, bi Mûş de zî rayê 368 dewan, Qers de rayê 143 dewan û bi Îdir de zî rayê 45 dewan verê vewre re ameyê girewtene.
Tîmê pakkerdena vewre yê herêm xebatê xo bêmabên domnenê.
Reyna Mudurîyetê Hewazanitene seba Colemêrg, Wan û Bedlîsî hişyarîye dayê û va ke varayîşê vewre nê 5 rojê ke vêrnîya ma de rê zî dom kena.
