Pêvînayîşê Heyetê DEM Partî yê Îmraliyî û Serekê Pêroyî yê CHP’yî Ozgur Ozelî ra dima heyet beyanatêk da. Endamanê Heyetê Îmraliyî Pervîn Buldan û Mîthat Sancar bal ant rolê Meclîsî ser o.
Pêvînayîşê Endamanê Heyetê DEM Partî yê Îmraliyî Pervîn Buldan, Mîthat Sancar û Faîk Ozgur Erol, Serekê Pêroyî yê CHP’yî Ozgur Ozel qedîya û dima zî beyanetêk ame dayene.
Ozel do destek bido prosesê aştî
Qiseykerdişê Pervîn Buldan wina yo:
“Ma erjna ke seba averşîyayîşê prosesê aştî, ganî mutabakatêk bêro kerdene. Siba do Numan Kurtulmuş serekanê grûbe yê partîyan reyde bêro têhet. Her partî komîsyon ra paweyê çîyêko cîya yo. Ozelî seba proses çîyê weşî kerdê. Ma musayî ke Ozel do nika ra pey zî paştî bido prosesê aştî. Kombîyayîşê sibayî zaf muhîm o.”
Bingeyê kombîyayîşî temînatê huqûqî yê
Qiseykerdişê Mîthat Sancarî zî wina yo:
“Ma kombîyayîş de proses ser o qisey kerd. Kewtişê dewre yê Meclîsî zaf muhîm o. Prosesî ra netîce girewtişî de rolê Meclîsî est o. Çi heyf ke problamê bînî zî est ê, no ser komelkîbîyayîş şert o. Mekanîzmayê huqûqî zaf muhîm ê, çimkî bingeyê komelkîbîyayîşî temînatê huquqî yê.”
