Îkram Guren ke Hepisxaneyê Tîpê T’yî yê Bafrayî de ameyêne girewtene û veradayîşê ey hîrê reyî bi bahaneyanê cîya ameyêne astengkerdene, 31 serrî ra pey veradîya.
Îkram Guren ke Hepisxaneyê Tîpê T’yî yê Bafraya Samsunî de ameyêne girewtene, 31 serrî pey hepisxane ra veradîya. Guren teşrîna verêne ya 1994î de hetê Mehkemaya Ewleyî ya Dewlete (DGM) ra amebi girewtene, ey rê cezaya muebedî ameye dayene. Hepisxaneyanê sey Kayserî, Yozgat, Mêrdîn, Baybûrt, Ordû û tewr peyên zî Hepisxaneyê Bafra de mend. Ganî Guren 11ê teşrîna verêne ya 2024î de biameyêne veradayene, labelê hîrê reyî bi bahaneyanê cîya veradayîşê ey amebi astengkerdene.
Veradayîşê ey tewr peyên 8ê teşrîna verêne de bi bahaneyê “Çinbîyayîşê halê başî” amebi astengkerdene. Dima Guren bi rayîrê avûkatanê xo 13ê teşrîna verêne de qerarî rê îtîraz kerdbi. Îtîraz 15ê teşrîna verêne de amebi qebulkerdene û dimayê 31 serran ame veradayene. Guren vernîya hepisxaneyî de hetê avûkatanê Komela Huqûqnasanê seba Azadîye (OHD) ra ame pêşwazîkerdene.
Îkram Guren no serê sibayî resa Amed û awanîya MED TUHAD-FED’î de hetê keye û rayberanê komele ra ame pêşwazîkerdene. Dimayê pêşwazî Guren keyeyê xo reyde vîyart qeza Farqînî ya Amedî.
