Şaristanê Anbar ê Îraqî de netîceyê bombabaranê DYA’yî de 3 fermandarê Haşdî Şabî ameyê kiştene.
Şerê Îsraîl-DYA û Îranî munaqeşayê adirbest û pêameyîşî dest pêkerdî. Terba ke agahîyêka zelale çin ba zî şewa bîne hêrişê giranî nêvirazîyayê. Terba na rewşe zî kampê Haşdî Şabî yê Şaristanê Anbarî hetê DYA’yî ra ame bombabarankerdene. Ame zanayene ke netîceyê bombabaranî de Fermandarê Operasyonanê Rojhelatê Anbarî Sead Duwey, Berpirsiyarê Îstîxbaratî yê Rojhelatê Anbarî Wasiq El Fartusî û Berpirsiyarê Emnîyetî yê Rojhelatê Anbarî Heyder El Memurî ameyê kiştene.
Haşdî Şabî bi dronan hêriş kerdbi
Şewa bîne hêzanê Haşdî Şabî vera kampê verên ê Amerîka yê Rîmelan ê Rojavayê Kurdîstanî de hêrişê bi dronan amebî viraştene. Ame zanayene ke hêrişê vera Haşdî Şabî sey cewabê nê hêrişan ameyê kerdene.
