Îzmîr û Stenbol de 1ê Gulane ra ver polîsan eşt xeylê keyeyan ser o û xeylê kesî ameyê destbendkerdene.
Ewro serê sibayî Îzmîr de polîsan eşt xeylê keyeyan ser o. Sereştişê keyeyan de Serekê Egîtîm Senî yê Îzmîrî yê Şûbeyê 5. Savaş Candemîr û cinîya ey Gulsen Candemîr, wendekarê unîversîteyî, sendîkagerî, endamê Partîya Kede, SOL Partî, TÎP û Partîzanî zî tede xeylê kesî ameyê destbendkerdene. Ame zanayene ke kesê ke ameyê destbendkerdene, bi îdiaya “Propagandaya rêxistine” ameyê sucdarkerdene.
Stenbol
Endamê Komîteyê Amadekar ê 1ê Gulane yê Taksîma Stenbolî ke vizêr Beyoglû de eşkerayî daye, ê zî amaeyê destbendkerdene. Kesê ke ameyê destbendkerdene, ê berdê Mudirîyetê Polîsan ê Stenbolî. Serekê Kataş-Senî yê Pêroyî Şahîn Başaraner û Sekreterê Înşaat-Îşî yê Rêxistinkerdişî Yûnûs Ozgur zî ameyê destbendkerdene.
