Mustafa Karasuyî ard ziwan ke semedê serkewtişê prosesî azadîya Rayber Apoyî şert a û vat: “Şarê ke Newroze de meydanî kerdî pirr, mesajê heta ke Rayber Apo azad nêbo, qet problemêk nêeşkeno bêro çareserkerdene da dewleta tirke.”
Endamê Konseya Rayberdişî ya KCK’yî Mustafa Karasuyo ke tewrê programê taybetî yê Medya Haber TVyî bi, averşîyayîşê rojdemî erjnayî.
Mustafa Karasuyî ard ziwan ke Newroza 2026î hem hetê coşî ra hem zî hetê polîtîkî ra serranê verênan ra xutêr ravîyarte û vat: “No xeyrê têkoşînê bi des serran û bitaybetî zî bi tesîrê Prosesê Haştîye û Komelê Demokratîkî yo ke rojanê peyênan de yeno munaqeşekerdene, qewimîya.”
Karasuyî bale ante prosesê ke 27ê sibata 2025î de ame destpêkerdene ser û vat: “Warê bêpêkewtişî ame pêardene la seba ke no açarîyo çareserîya mendîye ganî gamê sîyasî û huqûqî bêrê eştene. Na nuqta de meclîs ganî berpirsîyarîye bigîro. Ganî serûberkerdişê ke verê sîyasetê demokratîkî akenê bêrê kerdene.”
Mustafa Karasuyî îfade kerd ke qanûno bingeyî û çarçeweyê qanûnî yê ke nika yenê rayraberdene semedê sîyasetê demokratîkî qîm nêkenê û vat: “Têna bê munaqeşeyanê bêçekeverdayîş çareserî nêbena. Merdimî se kenê, senî eşkenê sîyaset bikerî? Ganî azadîya rêxistinbîyayîşî, îfade û sîyasetkerdişî bigêrîyo binê temînatî.”
Mustafa Karasuyî bale ante rîskanê dergkerdişê prosesî ser û vat: “Beno ke vînkerdişê weztî verê provokasyonan abikero û prosesî bixeripno. Ganî dewlete cîddî û zelal nizdîyê prosesî bibo. Pê dergkerdişê mesele, nizdîbîyayîşanê takîtîkî çareserî nîna afirnayene.”
Mustafa Karasuyî bale ante muhîmîya rolê Rayber Apoyî ser û vat: “Semedê çareserîya mendîye ganî Rayber Apo azad û bi hewayêkê aktîafî muzakereyan rayra bêro. Nika pêvînayîşî sinordar yenê rayraberdene. Ganî na rewşe cade bêro bedilnayene. Waranê Newroze de waştişo tewr verên azadîya fîzîkî ya Rayber Apoyî û çareserîya demokratîke bî. Semedê serkewtişê prosesî azadîya Rayber Apoyî şert a. Şarê ke Newroze de meydanî kerdî pirr, mesajê heta ke Rayber Apo azad nêbo, qet problemêk nêeşkeno bêro çareserkerdene da dewleta tirke. Tewrbîyayîşo zaf ê cinîyan û ciwanan yê Newroze mojneno ke senî paştî dîyena nê prosesî.”
Mustafa Karasuyî peynî de bale ante munaqeşeyanê yewîya kurdan ser û vat: “Bitaybetî wextê winayênî de ke averşîyayîşê Rojhelatê Mîyanênî qewimîyenê, bingeyê demokratîkî de yewîya kurdan zaf muhîm a. Eke kurdî nika cîya bimanê no verê rîskan akeno. Vera nê eke kurdî bêrê têhet û hêzê xo bikerê yew, eşkenê hem sîyasî hem zî komelkî xo xurtêr bikerê. Ganî semedê yewîya kurdan het û kesê eleqedarî xebatanê aktîfan bikerê. Na yewîye têna bi waştişê ronayîşê yew dewlete sînordar nîya, waştişê ci afirnayîşê zemînê hemparî yo ke her parçe de heqanê kurdan hêzdar bikero.”
